Telegardar er eit nettverk av vertskap og tilbydarar langs og i nærleiken av Sogevegen, turistvegen gjennom Hjartdal, Svartdal og Flatdal.

Telegardar også del av VisitHjartdal/Mytiske Telemark og VisitSeljord/Mytiske Telemark.

Me tilbyr opplevingar og opphald med bygdekultur, fjell, husdyrhald, kulturlandskap, handverk, kunsthistorie og forteljartradisjon som ramme. Enkeltpersonar, familiar og grupper av alle slag er velkomne – næringsliv, organisasjonar, forvalting, turistar og private selskap.

Langs Sogevegen kan du oppleve det frodige bygdelandskapet frå sykkel-/vandreruter nede i dalane og oppe i liene. I tillegg er me omkransa av nokre av Sør-Noregs finaste fjell; Gaustatoppen, Vindeggen, Mælefjell og Skorve. Av lokale, greie toppturar kan me anbefale Rennevassvarden, Ishovden og Bindingsnuten.

For bestilling / informasjon, ta kontakt direkte med aktuell tilbydar i Telegardar. For samansetjing av program/pakker, kan du kontakte Telegardar post@telegardar.no / tlf 913 92 067 (Ruth Gunlaug Haug) eller Kulturlandskapssenteret post@kulturlandskapssenteret.no / tlf 971 87 758 (Ingvill Buen Garnås).