Om vegen

Turistvegen Sogevegen går utanom Mælefjelltunellen og gjennom dei vakre bygdene Hjartdal, Svartdal og Flatdal. Her er kulturlandskap, kunst og forteljartradisjon fletta saman på sitt heilt særeigne vis, og det er her du møter Mytiske Telemark.

I området finn du mange sykkel-/vandreruter, små kart- og sogeskilt med lokale forteljingar, fine rasteplassar og flotte kunstverk på dei mange stoppestadene. Kart over Sogevegen kan du laste ned her. I tillegg til dei merka rutene i kartet, er det skilta ruter også langs grendevegane i området. Den kombinerte kunstboka og reiseguiden «Streif langs Sogevegen» kan også hjelpe deg med å finne fram. Boka har hausta gode kritikkar og er å få kjøpt mange stader langs vegen, mellom anna på Holm landhandel. I den frodige og fargerike storymapen Soga om Sogevegen kan du også lese om folka og alle tiltaka langs vegen. Den er også få i bokform, mellom anna på Holm landhandel.

Du kan oppleve området på eiga hand, eller ta kontakt med tilbydarar i området for omvising og program. Dei fleste tilboda er å finne på desse lenkene; Telegardar, Visit Hjartdal/Mytiske Telemark og Visit Seljord/Mytiske Telemark.

Kulturlandskapssenteret og Nutheim kunstsenter er dei tyngste formidlarane på omsynsvis kulturlandskap og kunsthistorie, om de er ute etter faglege program.